Mae'r cwrs hwn yn rhoi llwybr amlddisgyblaethol, wedi'i seilio ar wyddor cymdeithas, at gymhwyster ym meysydd iechyd a gofal cymdeithasol. Yn wahanol i hyfforddiant clinigol, rhoddir pwyslais yn ystod y cwrs hwn ar brofiadau cymdeithasol iechyd a gofal, yn cynnwys y materion polisi, darparu a rheoli gwasanaethau, a gwerthuso tystiolaeth.Pam dewis Prifysgol Bangor ar gyfer y cwrs?Ein nod yw rhoi awyrgylch dysgu cyfeillgar ac anffurfiol. Mae fframwaith y radd yn ddigon hyblyg i gynnig ystod o arbenigeddau a llawer o ddewis. Dysgir y radd gan arbenigwyr yn y pwnc a'u nod yw bod yn arloesol a darparu at anghenion gwirioneddol. Bwriad gwaith y flwyddyn ragarweiniol yw adeiladu eich hyder, beth bynnag fo'ch cefndir. Rydym yn defnyddio amrywiaeth o ddulliau dysgu ac, yn ogystal â datblygu sgiliau personol, rydym yn pwysleisio datblygu sgiliau ymarferol mewn arsylwi, dehongli, prosesu a chyflwyno gwybodaeth - pethau sydd i gyd yn cael eu gwerthfawrogi gan gyflogwyr. Bydd cyfle i chi dreulio semester dramor fel rhan o'r radd.